عوده نوكيا . نوكيا 3310

عوده نوكيا 

نوكيا 3310

نوكيا 3 

نوكيا 5 

نوكيا 6

انهاردة يوم أحسن من رائع.
اليوم الأول لمؤتمر الهواتف العالمي Mobile World Congress أو #MWC واللي بيشارك فيه العديد من الشركات المهتمة بالهواتف المحمولة والتكنولوجيا.
خليني أقول ان ده بوست بتاع نوكيا بس مش عايز أتكلم عن حد تاني غير نوكيا لأني سعيد جدا بعودتها أخيرا على الطريق الصحيح ومسايرة التطور اللي بيحصل في السمارت فون.
نوكيا كان ليهم انهاردة أربع هواتف.
أولهم كان نوكيا 3310 إصدار 2017 ونوكيا 3 ونوكيا 5 ونوكيا 6 النسخة العالمية.
ناخد كل واحد لوحده نتكلم عن المواصفات والسعر.

نوكيا 3310
الهاتف الاسطوري اللي عاد للحياة مرة أخرى بشكل جديد والتصميم واخد كتير من تصميم نوكيا 3310 القديم زي الكيرفات والزراير البيضاوية.
الجديد وجود الشاشة الألوان والكاميرا والفلاش الخلفي والجهاز مزود بلعبة Snake طبعا لأنها كانت من أشهر العلامات في نوكيا 3310 القديم.
شاشة الجهاز 2.4 بوصة والشاشة فيها تقنية نوكيا نزلتها انهاردة في كل هواتفها شاشة Polarized ودي بتديك رؤية أوضح خاصة في الشمس.
الجهاز بيعمل بشريحتي اتصال.
نوكيا 3310 بيجي بأربع ألوان الأحمر أو الأسود أو الأصفر أو الأزرق(الحكلي) نفس اللون القديم.
مزود ببطارية ليثيوم أيون 1200 ملي أمبير في الساعة.
سعر الجهاز 49 يورو فقط.

نوكيا 3
أرخص سمارت فون قدمته نوكيا أنهارده وعلى الرغم من انه أرخص جهاز لكن ده ميمنعش انه جهاز بيجي بمواصفات جيدة وتصميم رائع زي ما نوكيا عودتنا.
التصميم: نوكيا 3 مصنوع من البولي كاربونيت زي العديد من أجهزة نوكيا ومحاط بإطار من الألمونيوم عشان يديك الملمس الجميل والتصميم الرائع.
المواصفات:
الشاشة: شاشة 5 بوصة بدقة HD ومزودة بطبقة حماية Corning Gorilla Glass 3 والشاشة 2.5D عشان تديك احساس الهواتف الراقية ومزودة بتقنية الPolarized لرؤية أفضل في الإضاءات المحيطة بيك المختلفة.
نظام التشغيل: أندرويد 7.0 نوجا.
المعالج: ميدياتك.
البطارية من نوع ليثيوم أيون 2650 ملي أمبير.
المساحة الداخلية: 16 جيجا بايت.
الرام: 2 جيجا رام
الكاميرات: الأمامية 8 ميجا بكسل والخلفية 8 ميجا بكسل نفس العدسة لكن مزودة بفلاش.
الجهاز يعمل بشريحتي اتصال وشبكات الجيل الرابع.
أهم المستشعرات: مستشعر الجيروسكوب، والNFC
يوجد خاصية USB OTG لتشغيل الفلاش ميموري على الهاتف.
الألوان اللي هينزل بيها الجهاز: الأسود - الأزرق - الأبيض مع الاطار الفضي - الأبيض مع الاطار النحاسي.
السعر 139 يورو يعني حوالي 2400 مصري ولو نزل بالسعر ده هيكون شيئ رائع جدا.

نوكيا 5
وده جهاز شبيه بنوكيا 6 لكن مع بعض التغييرات البسيطة.
المواصفات:
الشاشة: شاشة 5.2 بوصة بدقة HD ومزودة بطبقة حماية Corning Gorilla Glass 3 والشاشة 2.5D ومزودة بتقنية الPolarized لرؤية أفضل في الإضاءات المحيطة بيك المختلفة.
نظام التشغيل: أندرويد 7.1.1 نوجا.
المعالج: سناب دراجون 430.
البطارية من نوع ليثيوم أيون 3000 ملي أمبير.
المساحة الداخلية: 16 جيجا بايت.
الرام: 2 جيجا رام
الكاميرات: الأمامية 8 ميجا بكسل والخلفية 13 ميجا بكسل مزودة بفلاش من قطعتين Dual Tone وخاصية PDAF للتركيز الأدق والأسرع.
الجهاز يعمل بشريحتي اتصال وشبكات الجيل الرابع.
أهم المستشعرات: مستشعرالبصمة، الجيروسكوب، والNFC والبوصلة.
يوجد خاصية USB OTG لتشغيل الفلاش ميموري على الهاتف.
الألوان اللي هينزل بيها الجهاز: الأسود - الأزرق - الفضي - النحاسي.
السعر 189 يورو يعني حوالي 3300 مصري.

نوكيا 6
المواصفات:
الشاشة: شاشة 5.5 بوصة بدقة Full HD ومزودة بطبقة حماية Corning Gorilla Glass  والشاشة 2.5D مع رؤية أفضل في ضوء الشمس المباشر.
المعالج: سناب دراجون 430.
نظام التشغيل: أندرويد 7.1.1 نوجا.
البطارية من نوع ليثيوم أيون 3000 ملي أمبير.
المساحة الداخلية: 64 جيجا بايت للون الأسود اللامع و 32 لباقي الألوان.
الرام: 4 جيجا للون الأسود اللامع و 3 جيجا لباقي الألوان.
الكاميرات: الأمامية 8 ميجا بكسل مع خاصية الترطيز التلقائي والخلفية 16 ميجا بكسل مزودة بفلاش من قطعتين Dual Tone وخاصية PDAF للتركيز الأدق والأسرع.
الجهاز يعمل بشريحتي اتصال وشبكات الجيل الرابع.
أهم المستشعرات: مستشعرالبصمة، الجيروسكوب، والNFC والبوصلة.
يوجد خاصية USB OTG لتشغيل الفلاش ميموري على الهاتف.
الألوان اللي هينزل بيها الجهاز: الأسود اللامع - الاسود المط - الأزرق - الفضي - النحاسي.
السعر 229 يورو للنسخة ال32 جيجا حوالي 3900 مصري او 299 يورو للنسخة ال64 جيجا حوالي 5100 مصري.
________________________
بعد البوست الطويل ده عايز أسمع رأيكم عن موبايلات نوكيا الجديدة والمواصفات والأسعار ومدى توقعكم لنجاح الشركة في مصر والدول العربية

.